各位敬愛的訪客，看完上期，不知是否已經成功谷晒階？如果係的話，記得提攜下小弟。如果催谷階層尚未成功者，就要再讀今期進階篇。谷階變名士，信我話咁易！今期谷階名士研究，因為事忙，遲了幾天發文，令大家又遲了點才可以做名士，罪該萬死。成名唔怕遲，最緊要簡易！今次！我地就教大家在下苦思良久的必殺技，幫大家「再展雄風」！
天下無事，何來名士？天下太平，人人自閉誌內，網誌名士又如何能為人群謀幸福、為廣大小博客爭取權益？無風不起浪，無浪自起之，無事搞事，有事扮出頭，記住，扮下就夠，最緊要義正詞嚴，方為正道。太平盛日，人人安居樂blog又點算呀？咁就一於無事搞事，為廣大人民服務，大則爭取係無雷公咁遠的地方起個公厠，小則可以晒下馬，以示自己戰友眾多相識滿城，扮晒可以開足百席，影響力唔講得少。如果有幸能挑起名人把幾火上門找晦氣，咁就更加恭喜閣下邁進網誌名士階級重要的成功第一步，機會難逢，記住要拚命抄作！抄出個未來，撐出個名堂！
新店未成名，難關重重，區區二打六，誰來愛你？正路艱苦經營、步步為營，我教你，相信你即刻會係家中找牛肉刀.......切兩件爛橙來掟我。快速壯大，還看今招：「頂你過廢」，歸根研底，又係上篇所講的「玩交人」，頂者，流行網上用語，推薦之謂也，成為博客舉人，擺設不舉愁雲，自然雄風呼呼，再起風雲。一於你推我文擅泰斗、我奉你網誌至尊，一句廢話，由好多人不停講好多次，就會變成「真真地」。最緊要係，頂到你渡過廢blog危機，得到生意日上，良性循環，你頂人時人頂你，閣下身邊自然盡是名士，亦成為有資格頂人過廢的名士，又豈能跟一般魚旦粉同日而語？
問題係，一個平民，邊得有人肯頂你呢？如果衰到埋唔到堆，又無名士肯幫你醫不舉，咁重可以點做？想到未？未？好簡單，咪係就約定一堆簽「互頂條款」的盟友，一於你頂我時，我封你，互相加許，稱王封后，你與佢同坐這條船，情義兩心堅。而且大家簽的是互惠條款，夠晒均真，唔使睇人面色，唔玩交人都有機會殺出條血路。互頂條款，平民齊創富！下一篇，石破天驚的「標會理論」，人人可以變名士，想谷階的朋友一定唔可以錯過！
「做名士，谷階話咁易！點黑路，信我無難度！」
叫完口號，今期節目時間又到，重有冇下期？如果未被人封檔/尋仇/追債，相信都會有，等幾耐？兩個星期內，好未？最後，解答下訪客疑問：
有訪客心急人問：「咁多名士，咪唔值錢,？」。
谷階名士研究組：「喂！哩個系列只負責幫你做名士，唔包值錢噃！」
[2]
[5]
[6]
[9] Re: 羊狼二世
[10] Re: doraemonserv
doraemonserv : 已公告了新文,最終資料會以電郵形式通知 |
|
[11] Re: 刁大俠
[13] Re: lilyrose
[14] Re: 活學活用
