如其係咁，偽居子不如真小人，其貼題參考書可以咁寫：
中文作文
名師甲推介：頂頭大熱 「檸檬茶」 ，質新題熱，穿「中學生不應談戀愛」，貪後者夠冷門，好分。
名師乙推介：升班題「芒椰奶西」有火可吼。
中國曆史
名師丙推介：今年盤路比較正常，宜吼上盤「唐」，題膽方面，建議「安史之亂」配「貞觀之治」。
掂，我都出埋一份先得。我唔得？事實真係勝於雄辯，本居士寫一條中一條，神準過貼幾條中一條的補習天王，實應考慮投身教育界，掠水發達幫助廣大莘莘學子。唔信？大家睇睇以下哩篇的發文時間：偶遇。
對，星期四晚晚上十一時多，剛好是CE中文試前一晚，又一次証明本居士功力深厚，參透天意，唔到你唔信！循眾要求，本居士暫定在下年推出萬眾期待、救苦救難的「暗黑流08高新科技吹水會考貼題經」，命中率更勝07年出品，每本暫定賣四百九十九元正，預早三個月訂購者，可免費獲贈「低能高分原子筆一大枝」，係你闖關良伴，限量三百枝，勿失良機，還不火速訂購？最緊要封面有哩句「注意：貼題涉及風險，所貼題目可中可唔中，考試者請自行衝量風險！」。
如果大家哩幾日發現我失蹤，應該好有可能係被人請了去飲免費咖啡，回來時，我會為大家報告一下，唔要咖啡，會唔會有檸檬茶飲！
其他閱讀(新聞)：
Yahoo新聞(明報) ─ 檸檬茶主題普通 考生恐殺錯良民： http://hk.news.yahoo.com/070430/12/26jno.html
Yahoo新聞(明報) ─ 補習社貼中會考題目 考生恐抄範文促徹查
http://hk.news.yahoo.com/070428/12/26g6t.html
其他閱讀(各路blog友的相關鉅作)：
"「檸檬茶」惹起的通識警號"(刁民公園)
「檸檬茶」掀事非！？ (voi)
二. 檸檬茶 (一個好人)
「凍檸茶」的追憶 (rules of games)
會考中文作文 (逸賢企鵝部落格)
「貼中」試題間接益左我 (no reason)
究竟應否「檸檬茶」？ (占占字起)
太自由的檸檬茶 (草飛之階)誰說檸檬茶後現代？(加百列傳)
