動漫‧人‧世 ─ 極速賽車 (暗黑熱血)

shadowzo | 12th Nov 2009, 01:13 AM | 熱血動漫, 動漫‧人‧世 | (1436 Reads)

「無人可以超越係我前面！」，這對白，相信老一輩動畫迷都好熟悉，正是《我要衝線》中男主角「赤木軍馬」的名台詞。雖然台詞很熱血，但這位主角初期駕法凶狠，脾氣又差，絕不是值得學習的對像。

競賽動漫，都算是動畫中的大宗，當中賽車作品更是大熱中的大熱。日系賽車動畫，似乎都不大正派，紅遍亞洲美國的六十年代已經拍成動畫作品《賽車小英雄》(《Speed Racer》，又譯《無敵飛車》)，舊版OP中，就有將對手撞出場外爆炸的恐怖場面，這樣的玩命比賽，在現實世界鐵定會被禁。

真的可作短程飛行的《飛鷹一號》(マシンハヤブサ)，對手怪招盡出，有擬似殺傷力武器，賽車至此，有夠可怕。

《高智能方程式》(台譯：《閃電霹靂車》)系列中，主角眾常常危險駕駛，凌空過車，惡意阻擋，更甚者，身體不適還要強行比賽，視車手安全和體育精神如無物，教人搖頭。近年掀起熱潮的《頭文字D》，主角以古舊的86，在山路賽中大敗各路新車，完全是技術表現，但，這樣的街車比賽，實在危險，雖然故事中，眾主角已經盡量做好措施，但怎說，在公眾路段賽車，也不是借得鼓勵的行為。

賽車手駕車，凶狠一點，拚一點，還有他不得已的理由，但公路上駕車，怎說也應該要小心，特別是駕駛載客車輛，更應尊重自己的職業，向別人的性命負責，發揮專業精神。當意外發生，生命消逝，悔得太遲。又不是比賽拚獎金，不用「無人可以超越係我前面」吧？

留言(21) | 引用(0) | 話題(有感而發)

[1]

影大忘記了大家小時候騙錢無數的爆走兄弟XD
嘛...到底還是根上述的賽車動畫有出入

[引用] | 作者 David | 12th Nov 2009 01:26 AM | [舉報垃圾留言]

我是看更元祖的四驅小子...(汗)

四驅車其實不用駕駛,跟上述大不同啦

[引用版主回覆] | 作者 shadowzo | 15th Nov 2009 02:40 AM

[2]

爆走兄弟只係玩四驅~~真人玩都唔會出咩事~~而影大所講果幾部賽車動畫~~如果真人照做~~幾多條命都唔夠啦~~

[引用] | 作者 ononhome | 12th Nov 2009 01:37 AM | [舉報垃圾留言]

無錯,就係咁,去機鋪玩頭D,點片都冇問題,但係街就...

[引用版主回覆] | 作者 shadowzo | 15th Nov 2009 02:41 AM

[3]

我對爆走兄弟永遠的迷思只是點解D人會跑得同架車一樣快 (笑)
--
http://www.youtube.com/watch?v=kajPM4DVInM
睇多幾段呢D片，D人先會識死...

[引用] | 作者蛋 | 12th Nov 2009 04:12 AM | [舉報垃圾留言]

四驅系列作品從來都無視合理性...算吧啦...

載客車司機真係要留神D,好多人命係手上的

[引用版主回覆] | 作者 shadowzo | 15th Nov 2009 02:43 AM

[4] Re: 蛋

蛋 :
我對爆走兄弟永遠的迷思只是點解D人會跑得同架車一樣快 (笑)--http://www.youtube.com/watch?v=kajPM4DVInM睇多幾段呢D片，D人先會識死...

除此以外, 我對佢的迷思係......故事中好似從無提過架車係可以聲控, 遙控, 什至係腦電波控制的, 但點解架車會識得自己行呢? 仲要可以隨住車手的意思加速,轉彎,出招式呢???????當年有套四驅小子, 佢地都叫佢有支叫控車棒的手棒去控車丫, 雖然都係走得佢架車一樣快

[引用] | 作者讀者 | 12th Nov 2009 06:15 AM | [舉報垃圾留言]

最爆笑係,條友叫幾聲,架車會加速...照計唔係越來越冇電會越跑越慢?

唔通哩d叫熱血充電法?叫大聲就會充到電?

[引用版主回覆] | 作者 shadowzo | 15th Nov 2009 02:44 AM

[5]

講開快車, 前排的巴士, 就真係慘劇la....唉

[引用] | 作者艾歷 | 12th Nov 2009 09:57 AM | [舉報垃圾留言]

果單真係好慘...希望以後唔會再有發生

[引用版主回覆] | 作者 shadowzo | 15th Nov 2009 02:44 AM

[6] Re: 讀者

讀者 :
除此以外, 我對佢的迷思係......故事中好似從無提過架車係可以聲控, 遙控, 什至係腦電波控制的,

要求劇情合理你就敗了，更多不明是：
無定風翼都可以行車超穩定(四驅郎架勝利者同輪子架舞娃娃)
包飯團膠紙唔會散唔到熱仲可以防水(達驅郎架火豔陽)
唔知用乜原理可以令1.5v既筆芯電短路令後軚吹漲(奔驅郎架轟天砲)
超高風阻值既車係高速車(俊驅郎架摘星者)
同吉普車一樣咁快既舊一代車同同人跑得一樣咁快既新一代車，能力被封鎖？(爸爸架地平線)

其實影大係想帶出渣快車好危險既信息，所以連皇道既頭D同CAPITA都唔講。

不過，愚以為頭D反而先係出事主因，動畫中眾以4-5波落山在現實中根本沒可能，可能有見及此，COIN-OPP 頭D五代似乎己經修正，但係為左方便大家儲咭，第四代超易玩，好代場更仲係第三代秋名雪五波行晒，愚估計個巴士司機開工前都唔知係玩完幾局……

就算係METAL GEAR，只要閣下放底尊嚴用簡易AT，再挭HONDA架高出力FF就可以用HAND BREAK 做 SHIFT…一樣出事。

愚反而覺得，CYBER FOMULA係賽道係標榜競賽，而雷史必(電影譯競手飇速，不知所謂…)架MACH5太好太強大啦，又界碟又彈射，一睇知係假，好難話佢教壞細路。

[引用] | 作者 HAHA | 12th Nov 2009 10:16 AM | [舉報垃圾留言]

講起四驅小子呢...我想話,當年,用一架不知名的祖國品牌車,輕易拼低了友人的勝利者(未改裝)...哈哈

玩車,我真的不行,頂多玩下need of speed這類輕鬆跑車game

[引用版主回覆] | 作者 shadowzo | 15th Nov 2009 02:47 AM

[7]

「無人可以超越係我前面」--勁鍾意呢句!haha
我好鬼鍾意赤木軍馬~ 型到呢!!
開快車唔係唔得, 唔係話一味快就ok, 都要顧下架車既承受力. 我見d亡命小巴司機咁開, 其實好想開聲刀刀叉叉. 佢地快極都不出10分鐘, 慳埋d雞碎時間都唔知可以做咩? 話就話走多轉搵錢, 但其實要承受開快車抄牌的壓力, 張告票一d唔便. 我就唔清楚呢d壓力有無必要~

[引用] | 作者飛天火羽 | 12th Nov 2009 10:48 AM | [舉報垃圾留言]

其實平夜三更的交通工具,何只小巴亡命...我乖過某巴士,嚇到要半路落車...你話驚未?

有時唔單止係效率,開快車有d似食辣,會上癮

[引用版主回覆] | 作者 shadowzo | 15th Nov 2009 02:48 AM

[8]

赤木軍馬我最記得係飛鞋......

[引用] | 作者 HITACHI | 12th Nov 2009 11:07 AM | [舉報垃圾留言]

哩個都係經典!!

[引用版主回覆] | 作者 shadowzo | 15th Nov 2009 02:49 AM

[9]

影大我建議你下次說說Rahxephon(翼神傳說)
呢隻係一隻深受eva影響的
但係Music好正

[引用] | 作者 Leo | 12th Nov 2009 15:23 PM | [舉報垃圾留言]

哩套只係睇完多元變奏曲,電視版我睇左十零集已經投降...

[引用版主回覆] | 作者 shadowzo | 15th Nov 2009 02:49 AM

[10]

人算不如天算..只可說是不幸..
而出問題的..一家要重罰呃..

另外話題:
影兄有冇睇過呢段片?
http://www.youtube.com/watch?v=Wo-gGes6qig

佢好似本身係動畫...影兄有冇多一點資料!

[引用] | 作者 molittlemo | 12th Nov 2009 16:56 PM | [舉報垃圾留言]

哩套我未睇過動畫版,唔好意思

[引用版主回覆] | 作者 shadowzo | 15th Nov 2009 02:51 AM

[11] Re: HAHA

HAHA :
所以連皇道既頭D同CAPITA都唔講。……就算係METAL GEAR，只要閣下放底尊嚴用簡易AT，再挭HONDA架高出力FF就可以用HAND BREAK 做 SHIFT…一樣出事。

SORRY，眼大睇過龍，睇唔到影大有提頭D…

再SORRY，我係想講BATTLE GEAR

[引用] | 作者 HAHA | 12th Nov 2009 17:37 PM | [舉報垃圾留言]

無問題,我意會到的(笑)

[引用版主回覆] | 作者 shadowzo | 15th Nov 2009 02:52 AM

[12]

「無人可以超越係我前面」
好句!

[引用] | 作者 ken [cd rom] | 12th Nov 2009 19:43 PM | [舉報垃圾留言]

[13] Re: ken [cd rom]

>>「無人可以超越係我前面！」，這對白，相信老一輩動畫迷都好熟悉 :

咦.....我幾時升呢做左老一輩動畫迷?
「無人可以超越係我前面」
好句!

[引用] | 作者 ken [cd rom] | 12th Nov 2009 19:46 PM | [舉報垃圾留言]

[14]

>>「無人可以超越係我前面！」，這對白，相信老一輩動畫迷都好熟悉

咦......我幾時升左呢做老一輩動畫迷?
XD

[引用] | 作者 ken [cd rom] | 12th Nov 2009 19:47 PM | [舉報垃圾留言]

哩套八十年代播的了...睇過,後生極都有限啦(笑)

[引用版主回覆] | 作者 shadowzo | 15th Nov 2009 02:52 AM

[15]

赤木軍馬，除了「無人可以超越係我前面」之外，對他的印象，只有又狂又咸 XD

可惜，一向賽車類的題材都不是小弟杯茶，不論ACG，情況都一樣…

[引用] | 作者八戒 | 12th Nov 2009 22:36 PM | [舉報垃圾留言]

軍馬係動畫有少少似噪狂版孟波(笑)

我鐘意睇賽車動畫,但就唔鐘意睇賽車電影...好奇怪...

[引用版主回覆] | 作者 shadowzo | 15th Nov 2009 02:54 AM

[16]

一去返個個時候既回憶..
除左"人可以超越係我前面"
腦入面浮起..
出黎啦..大地神劍!

[引用] | 作者 molittlemo | 13th Nov 2009 13:56 PM | [舉報垃圾留言]

魔動王之前都介紹過了...就快升呢做古地球人的回憶(笑)

[引用版主回覆] | 作者 shadowzo | 15th Nov 2009 02:54 AM

[17] Re: 讀者

讀者 :
我記得四驅兄弟主角陣型入面個有錢仔部眼鏡蛇同阿J係有裝電腦(眼鏡蛇盒模型幅圖仲畫埋粒intel u出黎...),部車自己"識"轉彎同"聽"人講野都唔奇.而兩兄弟部車擺到明部車無任何電子控制系統係入面....唯一可能係貫注左一樣叫"魂"0既東西係入面啩(汗),不過說到最爆我都係覺得火鳥ZX撞爆石屎個幕...他是用超合金Z製成嗎?(其實個名某程度告訴你這個事實)

蛋 :
我對爆走兄弟永遠的迷思只是點解D人會跑得同架車一樣快 (笑)--http://www.youtube.com/watch?v=kajPM4DVInM睇多幾段呢D片，D人先會識死...
除此以外, 我對佢的迷思係......故事中好似從無提過架車係可以聲控, 遙控, 什至係腦電波控制的, 但點解架車會識得自己行呢? 仲要...